About these ads

கார்ட்டூன்ஸ்

About these ads

சாலை விபத்து பற்றிய கருத்துக்கணிப்பு

கதாநாயகிகள் கலைநிகழ்ச்சிகளில் நடனம் ஆடுவதற்கு வாங்கும் சம்பளம்

வெளிநாடுகளில் நடைபெறும் கலைநிகழ்ச்சிகளில் கலந்து கொண்டு நடனம் ஆடுவதற்கு நம்மூர் கதாநாயகிகள் சிலர் வாங்கும் சம்பளம், வாயை பிளக்க வைக்கிறது. அவர்கள் வாங்கும் சம்பளம் வருமாறு:-

மூணுஷா-20 லட்சம்,
சென்-15 லட்சம்,
நமீ-10 லட்சம்,
ராய்-8 லட்சம்,
ச..கீதம்-7 லட்சம்,
மும்ஸ்-4 லட்சம்.
இளம் கதாநாயகர்களில், மூன்றெழுத்து வாரிசு நடிகர் ஒரே ஒரு பாட்டுக்கு ஆடுவதற்கு மட்டும் ரூ.25 லட்சம் கேட்கிறார்!
thanks m.malar

பஞ்சமுகி – விமர்சனம்

பஞ்சமுகி கோவிலில் பிறந்து வளரும் அனுஷ்காவுக்கு அம்மன் அருள் கிடைக்கிறது. நடப்பவைகளை முன் கூட்டி சொல்கிறார். அவரை பஞ்சமுகி தெய்வமாகவே கிராமத்தினர் வழிபடுகின்றனர்.

அவ் ஊருக்கு வரும் இளைஞன் பஞ்சமுகி அழகில் மயங்கி திருமணம் செய்து கொள்கிறான். அவர்களுக்கு பெண் குழந்தை பிறக்கிறது.

பஞ்சமுகி சிலைக்கு அடியில் புதையல் இருப்பதாக ஊர் தாதாவுக்கு தகவல் கிடைக்கிறது. அதனை எடுக்க அனுஷ்கா தடையாக இருப்பதால் உயிரோடு எரித்து கொல்கிறான். இதை நேரில் பார்க்கும் அனுஷ்கா குழந்தை மனநிலை பாதிக்கிறது. அதை குணப்படுத்த அனுஷ்கா கணவன் பட்டணம் வருகிறான்.

அங்கு அனுஷ்கா மாதிரியே இன்னொரு பெண்ணை பார்த்து அதிர்கிறான். பட்டணத்து அனுஷ்காவிடம் நடந்த விஷயங்களை சொல்லி கிராமத்துக்கு அழைத்து வருகிறான். வந்த இடத்தில் அனுஷ்கா உடலில் இறந்து போன பஞ்சமுகி பக்தையான அனுஷ்கா ஆவி புகுந்து கொள்கிறது. தன்னை கொன்றவர்களையும் கோவிலுக்குள் புதையல் எடுப்பவர்களையும் அந்த ஆவி பழி வாங்குவது கிளைமாக்ஸ்…
அனுஷ்கா சாமி பக்தை, நாகரீக மங்கை என இரு வேடத்தில் வருகிறார். பக்தையாக கோவிலில் குறி சொல்லி சாமியாடுகிறார். தந்தையை அழைத்து தான் சாகப்போகும் தகவலை சொல்லி தீக்குள் எரிவது எதிர்பாராத அதிர்ச்சி.

மாடர்னாக வரும் அனுஷ்கா திருமணத்தை நிறுத்த ஸ்டூடியோவில் திருடிய போட்டோவை காதலன் என பெற்றோரிடம் காட்டி அவன் ரவுடியாக வந்து நிற்பதை பார்த்து அதிர்வது பரபர…. உடலுக்குள் ஆவி புகுந்த பின் எதிரிகளை சம்காரம் செய்வது விறுவிறு. ஆவி உடலுக்குள் புகுந்த பின்னும் தாதாவை கொல்லாமல் நாள் குறித்து போவது ஒட்டவில்லை. நாசர், குடும்பத் தினரிடம் உண்மைகளை கறக்கும் யுக்தி ஜோர்.

பாதுகாப்பு பணியில் 1 லட்சம் பேர்: காமன்வெல்த் போட்டி

காமன்வெல்த் விளையாட்டு போட்டி இந்தியாவில் முதல் முறையாக நடத்தப்படுகிறது. இந்தப் போட்டி வருகிற 3-ந்தேதி முதல் 14-ந்தேதி வரை டெல்லியில் நடக்கிறது. இந்தப் போட்டிக்கு தீவிரவாதிகள் அச்சுறுத்தல் இருப்பதாக கருதப்படுகிறது.

அதே போல உள்ளூரில் உள்ள நக்சலைட்டுகளாலும் மிரட்டல் இருக்கிறது. வெளிநாட்டு வீரர், வீராங்கனைகளை கடத்தியும், தாக்குதல் நடத்தவும், தீவிரவாதிகள் திட்டமிட்டு இருப்பதாக உளவுத்துறை எச்சரித்து உள்ளது.

இதை தொடர்ந்து காமன்வெல்த் போட்டி பாதுகாப்பு வளையத்துக்குள் உள்ளது. “இசட் பிளஸ்” பாதுகாப்பு அளிக்கப்பட்டு உள்ளது.

பாதுகாப்பு பணியில்1 லட்சம் பேர் ஈடுபடுத்தப்பட்டுள்ளனர். துணை ராணுவத்தை சேர்ந்த 13 ஆயிரம் பேரும் பாதுகாப்பு பணியில் ஈடுபடுகிறார்கள்.

இதே போல டெல்லியிலும் 1,600 இடங்களில் கண்காணிப்பு கேமரா வைக்கப்பட்டுள்ளது. போலீசார் மோப்ப நாயுடன் அனைத்து இடங்களிலும் வலம் வருகிறார்கள்.

அயோத்தி வழக்கு தீர்ப்பின் விவரம்

அயோத்தி வழக்கு தீர்ப்பு

சுருக்கம்:
சர்ச்சைக்குரிய 2.5 ஏக்க‍ர் நிலம் யாருக்கு சொந்தம்?

அயோத்தியில் இராமர் பிறந்தது உண்மைதான்.

பாபர் மசூதி கமிட்டி, இந்து மகா சபை, இந்து நிர்மோகி அகாரா அமைப்பு ஆகியவற்றுக்கு சமமாக பிரித்துக்கொடுக்க‍ வேண்டும்.


விவரம்:

அலகாபாத் : அயோத்தியில் சர்ச்சைக்குரிய இடத்தை 3 ஆக பிரிக்க வேண்டும் என நீதிபதிகள் கூறியுள்ளதாக வக்கீல்கள் கூறினர். அயோத்தி யாருக்கு சொந்தம் என்பது தொடர்பாக, கடந்த 60 ஆண்டுகளாக நடந்து வரும் வழக்கின் இறுதித் தீர்ப்பை, அலகாபாத் ஐகோர்ட்டின் லக்னோ பெஞ்ச் நீதிபதிகள் எஸ்.யு.கான் தலைமையில் நீதிபதிகள் சுதிர் அகர்வால், டி.வி.சர்மா ஆகியோர் இன்று மாலை 4 மணி அளவில் படிக்க ஆரம்பித்தனர் .

தீர்ப்பை அடுத்து பா.ஜ., உயர்மட்டக்குழு அவசர கூட்டம் இன்று மாலை பா.ஜ., மூத்த தலைவர் அத்வானி இல்லத்தில் நடக்கிறது. தீர்ப்பை அடுத்து எழுந்துள்ள நிலை குளித்து சன்னி முஸ்லிம் சட்டவாரியமும் அவசரமாக கூடி விவாதிக்கிறது. ஆர்,எஸ்,எஸ், தலைவர் பகவத்சிங் பத்திரிகையாளர்களை சந்தித்து பேசுகிறார். தீர்ப்பு 600 பக்கங்களில் சொல்லப்பட்டிருக்கிறது. நீதிபதிகள் எஸ்.யு.கான் தலைமையில் நீதிபதிகள் சுதிர் அகர்வால், டி.வி.சர்மா நீதிபதிகள் தீர்ப்பை தனித்தனியாக அறிவித்துள்ளளனர். ராம்லாலா, வக்பு போர்டு , மற்றும் நிர்மோகி அகாரா சார்பில் ஆஜரான வக்கீல்கள் தங்களுக்கு கிடைத்த சாதகமான தீர்ப்பை நிருபர்களிடம் தெரிவித்தபடி இருந்தனர்.

“சர்ச்சைக்குரிய அயோத்தி நிலத்தை ராம்லாலா, சன்னி வக்பு போர்டு , மற்றும் நிர்மோகி அகாரா ஆகியோருக்கு 3 பிரிவாக பிரித்து கொடுக்க வேண்டும் என்று நீதிபதிகள் தங்கள் தீர்ப்பில் கூறியுள்ளதாக வக்கீல்கள் நிருபர்களிடம் கூறினர். தற்போதைய நிலையே ‌தொடரும் என வக்கீல் ரவிசங்கர்பிரசாத் கூறினார்.”

சர்ச்சைக்குரிய இடத்தில் உள்ள ராமர் சிலைகள் தற்போதைக்கு அகற்றப்படாது என்று தெரிவித்ததாக, வக்கீல் ரவிசங்கர் நிருபர்களிடம் கூறினார். இந்த பகுதியே இந்துக்களுக்கு ஒதுக்கப்படும் என்றும் அவர் தெரிவித்தார்.

வக்பு வாரியம் ஏற்பு : அலகாபாத் ஐகோர்ட் தீர்ப்பை ஏற்றுக்கொள்வதாக வக்பு வாரியம் அறிவித்துள்ளது. இதுகுறித்து மேல்கோர்ட்டில் முறையிடவும் அது முடிவு செய்துள்ளது.

ஆர்.எஸ்.எஸ்., கருத்து : இந்த தீர்ப்பு யாருக்கும், வெற்றியுமில்லை, யாருக்கும் தோல்வியுமில்லை என ஆர்.எஸ்.எஸ்., தலைவர் மோகன்பகவத் கருத்து தெரிவித்துள்ளார்.

தீவிர பாதுகாப்பு : தீர்ப்பை ஒட்டி அலகாபாத் ஐகோர்ட் வளாகத்தில் உச்சகட்ட உஷார் நிலை அமல் படுத்தப்பட்டிருந்தது. கோர்ட்டுக்குள் வழக்கில் சம்பந்தப்பட்ட இருதரப்பினரை தவிர வேறு யாரும் அனுமதிக்கப்படவில்லை. அவர்களும் ஒரு முறை கோர்ட்டுக்குள் சென்று விட்டால், தீர்ப்பு முழுமையாக வாசிக்கப்பட்ட பிறகு தான் வெளியே வர வேண்டும் என உத்தரவிடப்பட்டிருந்தது. பத்திரிகையாளர்களுக்கு தீர்ப்பின் பிரதிகள் லக்னோ மாவட்ட கலெக்டர் அலுவலகத்தில் அமைக்கப்பட்டிருந்த கூடத்தில் வழங்கப்பட்டது.

முன்னதாக நிருபர்களிடம் பேசிய லக்னோ கலெக்டர் சுனில் அகர்வால், 3 நீதிபதிகளும் தனித்தனியாக தீர்ப்பு வழங்கியிருப்பதாக தெரிவித்திருந்தார். மேலும் பத்திரிகையாளர்கள் தீர்ப்பு குறித்த தகவல்களை வெளியிடும் போது மிகுந்த எச்சரிக்கையுடன் செயல்பட வேண்டும் என லக்னோ கலெக்டர் மற்றும் போலீஸ் டி.ஐ.ஜி., வேண்டுகோள் விடுத்திருந்தனர்.

அமைச்சரவை கூட்டம் : இதற்கிடையில் டில்லியில் இன்று மாலை 5 மணிக்கு பாதுகாப்பு தொடர்பான மத்திய அமைச்சரவை கூட்டம் கூடுகிறது. அயோத்தி தீர்பபை அடுத்து ஏற்படக்கூடிய நிலைமையை சமாளிப்பது குறித்து இந்த கூட்டத்தில் ஆலோசிக்கப்படுகிறது.

அயோத்தி வழக்கு தீர்ப்பு

அயோத்தி வழக்கு- நீதிமன்றம் தீர்ப்பு வழங்கியது 3 நீதிபதிகளின் மாறுபடட தீர்பபுக‌ள்
அடுத‌த‌ மூன்று மாத‌ங்க‌ளுக‌கு இதே நிலை தொட‌ரும்

தீர்ப்பின் முழுவிவரம் விரைவில். . .

இறுதித் தீர்ப்பு இறுதியான தீர்ப்பல்ல

அயோத்தியில் பாபர் மசூதியா, ராமர் பிறந்த இடமா என்பது தொடர்பான வழக்கில் இறுதித் தீர்ப்பு வழங்குவதற்கு எதிராக விதித்த தடையை இந்தியாவின் உச்ச நீதிமன்றம் விலக்கிக் கொண்டுவிட்ட நிலையில், இந்தியாவின் விடுதலைக்குப் பின்னான வரலாற்றில் உணர்வுப்பூர்வமான ஒரு பிரச்சனை தொடர்பான வழக்கின் தீர்ப்பை நாடு எதிர்நோக்கியுள்ளது.

உத்தரபிரதேச மாநிலம் அயோத்தியில் 1992ஆம் ஆண்டு டிசம்பர் மாதம் 6ஆம் தேதி விஸ்வ இந்து பரிஷத், பாரதிய ஜனதா உள்ளிட்ட சங் பரிவார் அமைப்புகளால் இடித்துத் தள்ளப்பட்ட பாபர் மசூதி இருந்த இடத்தில் அதற்கு முன் இராமர் கோயில் இருந்ததா? என்கிற கேள்விக்கு ‘அந்த இடம் யாருக்குச் சொந்தம்’ என்று தொடரப்பட்ட வழக்கை விசாரித்த அலகாபாத் உயர் நீதிமன்றம் வரும் 30ஆம் தேதி வியாழக்கிழமை வழங்கப்போகும் தீர்ப்பு பதிலாக அமையப்போகிறது.

அயோத்திச் சிக்கல் வரலாறு

உத்தரபிரதேச மாநிலம் அயோத்தியில், ஃபைசலாபாத் மாவட்டத்தில், அமைந்திருந்த ஐந்து நூற்றாண்டுகள் பழைமை வாய்ந்த பாபர் மசூதி வெள்ளையர் காலத்திலேயே பிரச்சனையானது. 1857ஆம் ஆண்டு வெள்ளையர் ஆட்சிக்கு எதிராக அவர்களது படையில் இருந்த இந்தியர்கள், வெள்ளைய அதிகாரிகளுக்கு எதிராக துவக்கிய, ‘சிப்பாய்க் கலகம்’ என்றழைக்கப்பட்ட, இந்தியாவின் முதல் சுதந்திரப் போரை உடைக்க, இந்து, முஸ்லீம் படையினருக்கு இடையே வெள்ளையர் உருவாக்கிய மதப் பிரச்சனை சமூக அளவில் ‘வேலை செய்ய’த் துவங்கியிருந்த நிலையில், பாபர் மசூதிக்கு செல்லும் பாதையில் ஒரு மேடையை அமைத்த சாது ஒருவர், அதுவே இராமர் பிறந்த இடம் என்று கூறி, ஒரு பீடத்தை எழுப்பி அதில் இராமர், சீதை சிலைகளை வைத்து பூசை செய்யத் துவங்கினார்.

அதற்கு எதிர்ப்பு இருந்தது. ஆனாலும் பூசையும் தொடர்ந்தது. அவ்வாறு தொடர்ந்து பூசை செய்துவந்த அந்த பூசாரி 1885ஆம் ஆண்டில் அந்த மாவட்ட நீதிமன்றத்தில் ஒரு வழக்குத் தொடர்ந்தார். தான் பூசை செய்துவரும் இடம் இராமர் பிறந்த இடம் என்றும், அந்த இடத்தை தங்களுக்கு (இந்துகளுக்கு) சட்டப் பூர்வமாக்க வேண்டு்ம் என்று மனுச் செய்தார்(ஜூலை 19, 1885). அதனை மாவட்ட நீதிமன்றம் நிராகரித்துவிட்டது. ஆனால் அந்த இடம் எங்களுக்கு உரியது என்ற இந்துக்களின் மனப்பாங்கு வளரத் தொடங்கியது. அதுவே ஒரு சட்டச் சிக்கலாக பிறப்பெடுத்தது.

இந்தியா விடுதலை பெற்றதற்குப் பிறகு, 1949ஆம் ஆண்டில், இராமர், சீதைக்கு பூசை நடந்த இடத்தில் ஒரு வார காலத்திற்கு ராமர் சரித்திர பஜனை நடந்தது. அதன் தொடர்ச்சியாக ஒரு நாள் இரவு, பாபர் மசூதியில் இரவுத் தொழுகையை முடித்துக் கொண்டு முஸ்லீம்கள் அனைவரும் வெளியேறிய பிறகு, அந்த சிலைகள் மசூதிக்கு உள்ளே கொண்டு செல்லப்பட்டு தொழுகை நடந்த இடத்தில் வைக்கப்பட்டது. மறுநாள் காலை வந்த பார்த்த முஸ்லீம்கள் அதிர்ச்சியுற்றனர். இதனால் ஏற்பட்ட பதற்றத்தையடுத்த மசூதியின் கதவுகளை மாவட்ட நிர்வாகம் பூட்டி வைத்தது.

இந்நிகழ்வைத் தொடர்ந்து 1950ஆம் ஆண்டு தொடரப்பட்ட வழக்கினையடுத்து பாபர் மசூதி அமைந்திருந்த அந்த இடம் சர்ச்சைக்குரிய பகுதி (disputed land) என்றானது. இதன் பிறகு அங்கு முஸ்லீம்கள தொழுகை நடத்த அனுமதிக்கப்படவில்லை. அந்த இடத்தில் இராமருக்கு கோயில் கட்ட வேண்டும் என்ற முழக்கம் பிறந்து, அது நாளுக்கு நாள் மதவாதிகளால் வலிமைபடுத்தப்பட்டுவந்தது.

இரத யாத்திரையும் மசூதி தகர்ப்பும்

1990ஆம் ஆண்டு மத்தியில் ஆட்சிப் பொறுப்பை ஏற்ற ஜனதா தளம் தலைமையிலான ஐக்கிய முன்னணி அரசின் பிரதமராக இருந்த விஸ்வநாத் பிரதாப் சிங், நீதிபதி பிந்தேஸ்வரி பிரசாத் மண்டல் தலைமையிலான குழு அளித்த பரிந்துரையை ஏற்று இதர பிற்படுத்தப்பட்ட மக்களுக்கு மத்திய அரசின் வேலை வாய்ப்புகளில் 27 விழுக்காடு இட ஒதுக்கீடு அளிக்கும் உத்தரவை பிறப்பித்தார்.

இதனை ‘சாதிய ரீதியில் இந்து சமூகத்தை பிளக்கும் நடவடிக்கை’ என்று கூறிய பாரதிய ஜனதா கட்சி, ‘இந்துக்களை ஒன்றுபடுத்த’ இராமர் ஜன்ம பூமி பிரச்சனையை கையில் எடுத்தது. இராமர் பிறந்த இடத்தில் உள்ள பாபர் மசூதியை இடித்துவிட்டு அந்த இடத்தில் இராமருக்கு கோயில் கட்டுவோம் என்ற முழக்கத்துடன் இரத யாத்திரை புறப்பட்டார் அத்வானி. 1990ஆம் ஆண்டு செப்படம்பர் 17ஆம் தேதி குஜராத்தின் சோமநாதர் ஆலயத்தில் இருந்து அத்வானி துவக்கிய இரத யாத்திரை சென்ற இடத்திலெல்லாம் மதக் கலவரம் மூண்டது. அப்படி வந்த இரத யாத்திரை பீகாருக்குள் நுழைந்ததும், அதனை தடுத்து நிறுத்திய பீகார் முதல்வர் லாலு பிரசாத் யாதவ், அத்வானியை கைது செய்தார். ஆயினும் கலவரம் தொடர்ந்தது.

FILE
அத்வானி இரத யாத்திரையை தடுத்து நிறுத்தியதைக் காரணமாக்கி வி.பி.சிங் அரசிற்கு அளித்துவந்த ஆதரவை விலக்கிக்கொண்டது பாரதிய ஜனதா. மண்டல் அறிக்கையை காங்கிரசும் எதிர்த்தது. இதனால் மண்டல் அறிக்கை நடைமுறைக்கு வந்த 3 மாதத்தில் வி.பி.சிங் ஆட்சி கவிழ்ந்தது.

அடுத்து வந்த சந்திரசேகர் ஆட்சியும் 3 மாதத்தில் கவிழ்ந்ததையடுத்த நடந்த தேர்தலில் மண்டல் அறிக்கை, இராமருக்கு கோயில் ஆகிய இரண்டுமே முக்கியமான பிரச்சனைகளாக இருந்தது. ஆனால் தேர்தலின் போது முன்னாள் பிரதமர் ராஜீவ் காந்தி படுகொலை செய்யப்பட்டதால் உருவான அனுதாப அலை காங்கிரஸை மீண்டும் ஆட்சியில் அமர்த்தியது.

ஆயினும் இராமர் கோயில் பிரச்சனை பாரதிய ஜனதாவிற்கு 120 இடங்களில் வெற்றியைத் தந்தது (அதற்கு முந்தைய தேர்தலில் அக்கட்சி 88 இடங்களில் வெற்றி பெற்றிருந்தது). எனவே இராமர் கோயில் பிரச்சனையை அக்கட்சியும், அதோடு விஸ்வ இந்து பரிஷத் உள்ளிட்ட சங் பரிவார் அமைப்புகளும் கூர்மைபடுத்தின.

உத்தரபிரதேசத்தில் கல்யான் சிங் தலைமையில் பாரதிய ஜனதா ஆட்சி நடந்த நிலையில், ‘மத்திய, மாநில காவற்படைகளின் பலத்த பாதுகாப்பு’ வளையத்தில் இருந்த பாபர் மசூதி 1992ஆம் ஆண்டு டிசம்பர் மாதம் 6ஆம் தேதி இடித்துத் தள்ளப்பட்டது.

இடித்துத் தள்ளப்பட்ட அந்த மணல் குவியலின் மீது இராமர், சீதை சிலைகள் வைக்கப்பட்டு, அந்த இடத்தில் ஒரு கூரையும் போடப்பட்டு, பூசை துவங்கியது. பாபர் மசூதி இருந்த 2.77 ஏக்கர் நிலப்பகுதியை அரசு தனது கட்டுப்பாட்டில் கொண்டுவந்து, அதனை சர்ச்சைக்குரிய பகுதியாக அறிவித்தது.

இதனைத் தொடர்ந்தே அந்த இடம் யாருக்கு என்பது தொடர்பான வழக்கு துவங்கியது. கோபால் சிங் விஷாரத், நிர்மோகி அகாரா, உத்தரபிரதேசம் சுன்னி வக்ஃப் வாரியம், ராம் லாலா விராஜ்மான் ஆகிய நபர்களும், அமைப்புகளும் தொடர்ந்த வழக்குகள் அனைத்தும் அலகாபாத் உயர் நீதிமன்றத்திற்கு மாற்றப்பட்டது. அந்த வழக்குகளை நீதிபதிகள் எஸ்.யு.கான், டி.வி.சர்மா, சுதிர் அகர்வால் ஆகியோர் கொண்ட நீதிமன்ற அமர்வு விசாரித்து வந்தது.

தொல்லியல் துறையின் ஆய்வு!

இந்த வழக்கின் ஒரு முக்கிய அம்சம் என்னவெனில், சர்ச்சைக்குரிய அந்த இடத்தில் பாபர் மசூதி கட்டப்பட்டதாகக் கூறப்படும் 1538ஆம் ஆண்டிற்கு முன்னர், அங்கு கோயில் இருந்ததே என்பதே. கோயில் இடித்துத் தள்ளப்பட்டே அங்கு பாபர் மசூதி கட்டப்பட்டது என்று இந்து மத அமைப்புகள் கூறி வருகின்றன.

இந்த சர்ச்சைக்கு முடிவுகட்ட, வழக்கை விசாரித்துவரும் அலகாபாத் நீதிமன்றம் பிறப்பித்த உத்தரவிற்கு இணங்க, சர்ச்சைக்குரிய அந்த 2.77 ஏக்கர் நிலப்பரப்பிற்குட்பட்ட பகுதியில் இந்திய தொல்லியில் துறையினர் அகழ்வாராய்ச்சி செய்தனர். அவர்கள் தங்கள் ஆய்வில் கட்டறிந்த விவரங்களை அறிக்கையாக நீதிமன்ற அமர்விடம் அளித்துள்ளனர்.

பாபர் மசூதி – ராம் ஜன்ம பூமி வழக்கு என்று அழைக்கப்படும் இவ்வழக்குத் தொடர்பாக பல திருப்பங்கள் நிகழ்ந்தன. இந்த இடம் தொடர்பான விவரங்களைக் கொண்ட 23 கோப்புகள் காணாமல் போய்விட்டதாக நீதிமன்றத்தில் புகார் செய்யப்பட்டது. அதுகுறித்து விசாரிக்கும்படி நீதிமன்ற அமர்வு அளித்து உத்தரவிற்கு இணங்க புலனாய்வு மேற்கொண்ட மத்திய புலனாய்வுக் கழகம் (சிபிஐ) தனது அறிக்கையை தாக்கல் செய்துள்ளது.

முழுமையான நீண்ட விசாரணைக்குப் பின், நாளை மறுநாள் இறுதித் தீர்ப்பு வழங்கவுள்ள அலகாபாத் உயர் நீதிமன்றத்தின் 3 நீதிபதிகள் கொண்ட அமர்வு கீழ்கண்ட 3 முக்கிய கேள்விகளுக்கு பதில் கூறும்;

1) 1538ஆம் ஆண்டிற்கு முன் அந்த (பாபர் மசூதி இருந்த) இடத்தில் இந்து கோயில் இருந்ததா?

2) அந்த இடம் தங்களுக்கே உரியது என்று 1961ஆம் ஆண்டு வழக்கு தொடர்ந்த பாபர் மசூதி குழுவின் (Babri committee) கோரிக்கை நியாயமானதா?

3) முஸ்லீம்கள் அந்த இடத்தை ஆக்‌கிரமித்துக் கொண்டு அதற்கான ஆவணங்களை உருவாக்கிக் கொண்டார்களா?

இம்மூன்று கேள்விகளுக்குமான விடையே 30ஆம் தேதி அளிக்கப்படவுள்ள இறுதித் தீர்ப்பாகும். ஆனால் இந்தத் தீர்ப்பே, நீண்ட காலமாக நிலவி வரும் ஒரு சர்ச்சைக்கு இறுதியான முடிவு தரப்போவதாக இருக்காது. தீர்ப்பை ஏற்றுக் கொள்ளாத எந்த ஒரு தரப்பும் மேல் முறையீடு செய்யலாம். எனவே அலகாபாத் உயர் நீதிமன்றத்தின் தீர்ப்பு இறுதித் தீர்ப்பு என்று கூறப்பட்டாலும் அது இறுதியானத் தீர்ப்பாகப் போவதில்லை.
ஆனால் அந்தத் தீர்ப்பு பல உண்மைகளை வெளிக்கொணரப் போகிறது, அதனை இந்த நாட்டு மக்கள் அனைவரும் மிக உன்னிப்பாக கவனிக்க வேண்டும். அத்தீர்ப்பு வெளிப்படுத்தவுள்ள உண்மைகள் இதற்கு மேலும் ஒரு மத வன்முறையை ஏற்பட விடாமல் தடுக்கும் அளவிற்கு நமது மனப்பாங்கை பண்படுத்துவதாக இருக்கும்.

Thanks Webdunia

ஒருநாள் சம்பளம் முப்பது லட்சம்!

பிரபுதேவாவுடனான (கள்ளக்)காதல் வெட்டவெளிச்சத்துக்கு வந்த பிறகு ரொம்பவே பாதுகாப்பாக இருந்து வரும் நயன்தாரா, சமீப காலமாக சென்னை வருவதை தவிர்த்து வந்தார். அதுவும் பிரபுதேவாவின் மனைவி ரமலத்துக்கு ஆதரவாக மகளிர் அமைப்புகள் பேசத் தொடங்கியது முதல் அம்மணி கப் சிப். இந்த நிலையில் சென்னையில் உள்ள பிரபல ஜவுளிக்கடை ஒன்று நயன்தாராவை தங்கள் நிறுவன விளம்பரத்தில் நடிக்க அழைத்தது. சினிமாவில் மூணு மாசம் நடிச்சிக் கொடுத்தா கிடைக்கிற பணத்தை மூணே நாள்ல கொடுக்குறதா ரேட் ‌பேசியிருக்கிறார்கள்.

மூணு நாள் சூட்டிங்கிற்காக ரூ.1 கோடி சம்பளம் பேசப்பட்டிருக்கிறது. அதாவது ஒரு நாள் சம்பளம் முப்பது லட்சத்து சொச்சம். பணத்தாசை யாரை விட்டது. விளம்பரத்தில் நடிக்கவே மாட்டேன் என்ற தனது கொள்கையை கொஞ்சம் தளர்த்தி ஓ.கே. சொல்லி விட்டார். இந்த விளம்பர சூட்டிங்கை சத்தமில்லாமல் சென்னையில் நடத்த திட்டமிட்ட அந்த ஜவுளிக்கடை நிறுவனம், நயனுக்கு தேவையான அத்தனை வசதிகளையும் செய்து கொடுக்கவும் சம்மதித்தது. சகல வசதிகளுடன் பாதுகாப்பு வசதியையும் அம்மணி கேட்டுப் பெற்றுக் கொண்டார். ஏனாம்…?! மாதர் சங்கம் என்ற பெயரில் யாராவது சூட்டிங் நடக்கும் இடத்தில் வந்து பிரச்னை பண்ணி விட்டால என்ன ஆவது? என்ற பயம்தான் காரணமாம். பலத்த பாதுகாப்போடு சூட்டிங்கில் பங்கேற்றிருக்கிறார் நயன். விளம்பரத்தை முடித்த கையோடு அம்மணி கேரளாவுக்கு பறக்க திட்டமிட்டிருக்கிறாராம்.

நோ நோ என்கிறார் சிம்பு!

அஜித்தின் மங்காத்தா படத்தில் நடிகர் சிம்பு நடிக்கப்போவதாக கடந்த சில வாரங்களுக்கு முன்பு செய்தி வெளியானது. அஜித்துடன் இணைந்து நடிக்க விரும்புவதாக ‌டைரக்டர் வெங்கட்பிரபுவிடம் சிம்பு கேட்டுக் கொண்டதாகவும், அஜித்தும் அதற்கு சம்மதித்ததால் மங்காத்தாவில் சிம்பு கெஸ்ட்ரோலில் நடிக்கிறார் என்று அந்த செய்தியில் கூறப்பட்டிருந்தது. இந்நிலையில் மங்காத்தாவில் தான் நடிக்கவில்லை என்று கூறுகிறார் சிம்பு. விண்ணைத்தாண்டி வருவாயா வெற்றியைத் தொடர்ந்து அவர் நடித்து வரும் வானம் படத்தின் பத்திரிகையாளர் சந்திப்பு சமீபத்தில் சென்னையில் நடந்தது. இதில் கலந்து கொண்டு பேட்டியளித்த சிம்புவிடம், நிருபர்கள் மங்காத்தா நீங்களும் நடிக்கிறதா ஒரு செய்தி உலவுதே? என்று கேட்டனர். அதற்கு பதில் அளித்த சிம்பு, நானும் கேள்விப்பட்டேன். அப்படியொரு எண்ணம் இதுவரைக்கும் இல்லை. யாரும் நடிக்கச் சொல்லி கேட்கவும் இல்லை, என்றார்.

உங்களை விட அனுஷ்கா உயரமாச்சே? என்ற கேள்விக்கு “வேணும்னா பக்கத்துல போய் நிக்குறேன். அளந்துக்கங்க” என்றார் சிம்பு. ஆரம்பத்தில் ஜோதிகாவின் ரசிகன் நான் என்று சொல்லி வந்த சிம்பு, இப்போது அனுஷ்காவின் தீவிர ரசிகன் ஆகி விட்டாராம். அருந்ததி படம் பார்த்ததில் இருந்து அனுஷ்கா ரசிகராகி விட்டேன் என்று சொன்ன சிம்பு, அந்த படத்தில் அனுஷ்காவின் பர்பாமென்ஸ் பக்காவா இருந்துச்சி, என்று கூறி பாராட்டினார். வானம் படத்தில் அனுஷ்காவுடன் சேர்ந்து ஒரு குத்துப்பாட்டுக்கு ஆட்டம் போடுகிறாராம் சிம்பு. (அப்போ அனுஷ்காவின் கெட்ட ஆட்டம் இருக்குன்னு சொல்லுங்கோ?)

நடிகை அமலா தாக்கு: வன்முறை சினிமா

சத்யா, மெல்லத் திறந்தது கதவு, அக்னி நட்சத்திரம், மவுனம் சம்மதம் உள்ளிட்ட ஹிட் படங்களில் நடித்திருப்பவர் நடிகை அமலா. தெலுங்கு ஹீரோ நாகார்ஜூனாவை காதலித்து திருமணம் செய்த பிறகு சினிமாவில் இருந்து விலகி, இல்லற வாழ்க்கையில் ஈடுபட்டு வருகிறார். நடிப்புக்கு முழுக்கு போட்டாலும் விலங்குகள் நல வாரியத்தில் உறுப்பினராகி, விலங்குகள் வதைக்கு எதிரான பிரசாரத்தில் மும்முரம் காட்டி வருகிறார்.

விலங்குகளுக்கு எதிராக நடக்கும் சம்பவம் குறி்த்து அவர் அளித்துள்ள பேட்டியில், சினிமாவை கடுமையாக சாடியிருக்கிறார். இப்போதெல்லாம் சினிமாக்களில் வன்முறை காட்சிகள் பெருகி விட்டது. வன்முறை, கற்பழிப்பு, கொலை, ஆபாசம் இல்லாமல் படங்களை பார்ப்பது அரிதாக இருக்கிறது. நாகார்ஜூனா படங்களிலும் அதிக அளவில் வன்முறை காட்சிகள் இருக்கிறது. இதுபோன்ற காட்சிகளைக் காட்டித்தான் மக்களை கவர வேண்டுமா? மனதை கவருவதற்கு மற்ற காட்சிகளே கிடைக்கவில்லையா? இதை இயக்குனர்களும் புரிந்து கொள்ள வேண்டும். சமுதாயத்தில் குற்றங்கள் குறைவதற்கு ஏற்ப வன்முறை காட்சிகளை குறைக்க வேண்டும், என்று கூறியிருக்கிறார்.

அயோத்தி தீர்ப்பால் நாடு முழுவதும் முன் எச்சரிக்கை நடவடிக்கை, உஷார் நிலையில் போலீசார் . . .

அயோத்தி வழக்கில் இன்று தீர்ப்பு வெளியாவதையொட்டி, நாடு முழுவதும் உச்சக்கட்ட பாதுகாப்பு போடப்பட்டுள்ளது. முன்னெச்சரிக்கை நடவடிக்கையாக, போலீசார் எந்த சூழ்நிலையையும் சமாளிக்க உஷார்படுத்தப்பட்டு தயார் நிலையில் உள்ளனர்.

அயோத்தியில் சர்ச்சைக்குரிய இடம் யாருக்கு சொந்தம் என்பது தொடர்பாக, கடந்த 60 ஆண்டுகளாக நடந்து வரும் வழக்கின் இறுதித் தீர்ப்பை, அலகாபாத் ஐகோர்ட்டின் லக்னோ பெஞ்ச் இன்று வழங்குகிறது. இந்த தீர்ப்பை அறிந்து கொள்வதற்காக நாடே, லக்னோவை நோக்கி திரும்பியுள்ளது. நீதிபதி எஸ்.யு.கான் தலைமையில் நீதிபதிகள் சுதிர் அகர்வால், டி.வி.சர்மா ஆகியோர் அடங்கிய பெஞ்ச், இன்று பிற்பகல் 3.30 மணிக்கு தீர்ப்பு வழங்குகின்றனர். இந்த தீர்ப்பு வருவதையொட்டி லக்னோ, அயோத்தி நகரங்களை மையமாக வைத்து, உ.பி., முழுவதும் பாதுகாப்பு ஏற்பாடுகள் முழு வீச்சில் முடுக்கி விடப்பட்டுள்ளன. எவ்வித சூழ்நிலையையும் சமாளிக்க லக்னோ, அயோத்தி, பைசாபாத் நகரில் அதிதீவிர பாதுகாப்பு ஏற்பாடுகள் செய்யப்பட்டுள்ளன. ஆனால், ஊரடங்கு உத்தரவு ஏதும் பிறப்பிக்கப்படவில்லை.

அலகாபாத் ஐகோர்ட் பெஞ்ச் அமைந்துள்ள லக்னோ நகரில், ஐகோர்ட் பகுதியை யாரும் நெருங்க முடியாத பகுதியாக அறிவிக்கப்பட்டுள்ளது. நீதிபதிகள், வக்கீல்கள், கோர்ட் ஊழியர்கள் உட்பட ஐகோர்ட்டால் அங்கீகரிக்கப்பட்டவர்கள் மற்றும் அடையாள அட்டை வைத்துள்ளவர்கள் மட்டுமே அனுமதிக்கப்படுவர் என அறிவிக்கப்பட்டுள்ளது. வழக்கில் சம்பந்தப்பட்டவர்கள் மட்டும் தீர்ப்பு வழங்கும் அறையில் அனுமதிக்கப்படுவர்; தீர்ப்பு முடியும் வரை வெளியேற முடியாது. இதற்கான உத்தரவை, மாவட்ட கலெக்டர் அனில் சாகர் பிறப்பித்துள்ளார். ஐகோர்ட் அமைந்துள்ள பகுதியில் ஐந்தடுக்கு பாதுகாப்பு போடப்பட்டுள்ளதோடு, இப்பகுதி முழுவதும் துணை ராணுவ கட்டுப்பாட்டில் ஒப்படைக்கப்பட்டுள்ளது.

தீர்ப்பு எப்படி: தீர்ப்பு விவரத்தை பத்திரிகையாளர்களுக்கு தெரிவிக்க, ஐகோர்ட்டால் நியமிக்கப்பட்ட பிரதிநிதி, கலெக்டர் அலுவலகத்தில் அறிவிப்பார் என்றும், அதனால் பத்திரிகையாளர்கள் ஐகோர்ட் வளாகத்தில் கூட வேண்டாம் என கலெக்டர் வேண்டுகோள் விடுத்துள்ளார். மேலும், தீர்ப்பு விவரம் மற்றும் அதன் முக்கிய பகுதிகள் இணையதளத்தில் வெளியிடவும் ஏற்பாடு செய்யப்பட்டுள்ளது. முன்னெச்சரிக்கை நடவடிக்கையாக, அயோத்தியில் சர்ச்சைக்குரிய இடத்திலும் மற்றும் பதட்டம் நிறைந்த பகுதிகளிலும் பாதுகாப்பு படையினர் சோதனை நடத்தி வருகின்றனர். உ.பி., மாநிலத்தையொட்டியுள்ள நேபாளம் மற்றும் உத்தரகண்ட் எல்லையோரம் சீல் வைக்கப்பட்டுள்ளது. முன்னெச்சரிக்கை நடவடிக்கையாக, தீர்ப்பு வரும் வரை இப்பகுதிகளிலிருந்து வருபவர்களை அனுமதிப்பதில்லை என முடிவு செய்யப்பட்டுள்ளது.

பிரச்னை வரக்கூடும் என்று கண்டறியப்பட்ட பகுதிகளுக்கு படைகள் விரைந்து செல்வதற்காக ராணுவ ஹெலிகாப்டர்கள், விமானங்களும் அனுப்பி வைக்கப்பட்டுள்ளன. பிரதமர் மன்மோகன், காங்கிரஸ் தலைவர் சோனியா ஆகியோர் விடுத்த அறிக்கையில், தீர்ப்பை அமைதியுடன் மக்கள் ஏற்க வேண்டுகோள் விடுத்திருக்கின்றனர். உள்துறை அமைச்சர் சிதம்பரமும், இத்தீர்ப்பு மட்டுமே இறுதியானது அல்ல என்றும் அதற்குப் பின்னும் தேவைப்பட்டால், சுப்ரீம் கோர்ட்டை அணுக வாய்ப்புகள் உள்ளதையும் சுட்டிக் காட்டியுள்ளார்.

பாதுகாப்பு: உ.பி.,யில் துவங்கி நாடு முழுவதும் பாதுகாப்பு ஏற்பாடுகளை முடுக்கி விட்டுள்ள மத்திய உள்துறை அமைச்சர் சிதம்பரம், நிலைமையை தொடர்ந்து கண்காணித்து வருகிறார். பாதுகாப்பு ஏற்பாடுகள் குறித்து அவர் கூறுகையில், “உ.பி., மாநிலத்தில் பலத்த பாதுகாப்பு போடப்பட்டுள்ளது. இதற்காக மொத்தம் ஒரு லட்சத்து 90 ஆயிரம் பேர் ஈடுபடுத்தப்பட்டுள்ளனர். ராஜஸ்தான், மத்திய பிரதேசம், கர்நாடகா, கேரளா ஆகிய மாநிலங்கள் உட்பட நாடு முழுவதும் உச்சக்கட்ட பாதுகாப்பு போடப்பட்டுள்ளது’ என்றார். மொபைல் போன்களில், மொத்தமாக எஸ்.எம்.எஸ்., அனுப்புவதற்கு விதிக்கப்பட்டுள்ள தடையை மேலும் இரண்டு நாட்களுக்கு மத்திய அரசு நீட்டித்துள்ளது. தமிழகம் முழுவதும் போலீஸ் பாதுகாப்பு போடப்பட்டுள்ளது. இன்று பிற்பகலில் இருந்து நாளை காலை வரை தமிழகத்தில் லாரிகள் ஓடாது என லாரி உரிமையாளர்கள் அறிவித்துள்ளனர்.

தமிழகம் முழுவதும் லாரிகள் ஓடாது: அயோத்தி வழக்கில் தீர்ப்பு வெளியாவதையொட்டி, தமிழகம் முழுவதும் இன்று மதியம் முதல், மறுநாள் காலை 6 மணி வரை லாரிகள் ஓடாது என, தமிழ்நாடு லாரி உரிமையாளர்கள் சம்மேளனம் அறிவித்துள்ளது. தொடர்ந்து அந்த அந்த பகுதிகளில் உள்ள நிலைமைக்கேற்ப, லாரிகள் இயக்கப்படும் எனவும் அறிவிக்கப்பட்டுள்ளது.

thanks d.malar

இல்லைவே இல்லை

ஈசலுக்கு வயிறு இல்லை

த‌வளைக்கு கழுத்து இல்லை

பாம்புக்கு கால்கள் இல்லை

ஈக்க‍ளுக்கு இமை இல்லை

சிரிப்பு முதியவர்

முதியவர் ஒருவர் தனது பால்ய நண்பனை திடீரென சந்தித்தால் . . .

முதியவர் 1 – என்ன‍ப்பா நீ இப்ப‍ எப்ப‍டி இருக்கே,

முதியவர் 2 – நான் நல்லா இருக்க‍, சரி அதவிடு, நம்ம‍ சின்ன‍ வயசுலே மாந்தோப்பில விளையாடும்போது நீ மாமரத்திலே ஏறி மாம்பழ பறித்தியே ஞாபகம் இருக்கா.

முதியவர் 1 – (சிரித்த‍வாறு) நீ மட்டும் என்ன‍வாம் கொய்யாத் தோப்புல கொய்யாக்கா பறிச்சுட்டு ஓடிட்டியே!

முதியவர் 2 – (பழ)ங்கதைகள் பேசி எவவளவு நாளாச்சு

என்று கூறிய படி தனது உரையாடல்களை தொடர்ந்தனர்.

பெரியாரின் வைக்கம் போராட்டம்

வைக்கம் போராட்டம் (1924-1925)

கேரளாவில் உள்ள வைக்கம் எனும் சிறிய நகரில் பின்னாளில் திருவாங்கூர் என்று மாற்றப்பட்ட நகரில் உள்ள கோயில்களில் தீண்டாமை கொடுமை நிலவியது. கோயில்களில் அரிசன மக்கள் என்றழைக்கப்படும் தலித் மக்கள் நுழையத் தடைவிதிக்கப்பட்டிருந்தது. கோயில் இருக்கும் விதிகளில் நடக்கவும் தடைவிதிக்கப்பட்டிருந்த்து. 1924 இல் சாதி எதிர்ப்புகள் வலுத்திருந்த சமயமாதலால் சாதி எதிர்ப்பு (சத்தியாகிரகம்) போராட்டம் காந்திய வழியில் நடத்த வைக்கம் சிறந்த இடமாக தேர்ந்தெடுக்கப்பட்டது. ஏப்ரல் 14 அன்று பெரியார் அவரின் துணைவியார் நாகம்மாளுடன் வைக்கம் வந்து போரட்டத்தில் ஒன்றாக கலந்து கோண்டனர். இருவரும் கைது செய்யப்பட்டு தனித்தனி சிறையில் அடைக்கப்பட்டனர். காந்தியின் அறிவுறுத்தலின்படி இப் போராட்டத்தில் கேரளாவைச் சாரதாவர்கள், இந்து சமயம் சாராதவரகள் கலந்து கொள்ளவில்லை. பெரியார் கைது செய்யபட்ட போதிலும் பெரியாரின் தொண்டர்கள் கைவிடாது போராட்டத்தை தொடர்ந்ததால் இச்சட்டம் விலக்கிகொள்ளப்பட்டது. அதுமுதல் பெரியார் வைக்கம் வீரர் என தமிழ் மக்களால் அழைக்கப்படலானார். பல சுதந்திர போராட்டத்தில் கலந்து கொண்ட பெரியாருக்கு கிடைக்காத பெயரும், புகழும் இப்போராட்டத்தின் மூலம் கிடத்தது சற்று மிகைப்படுத்தப்பட்டதாகவே அறிஞர்கள் கருதுகின்றனர்.

thanks wikky

காங்கிரஸ் கட்சியின் உறுப்பினர் பெரியார்

காங்கிரஸ் கட்சியின் உறுப்பினர் (1919-1925)

பெரியார் 1919 ஆம் ஆண்டு தனது வணிகத்தொழிலை நிறுத்திவிட்டு காங்கிரஸ் கட்சியில் தன்னை இணைத்துக்கொண்டார். இணைவதற்கு முன் தான் வகித்து வந்த அனைத்து பொதுப்பதவிகளையும் விட்டு விலகினார். அவர் வகித்து வந்த முக்கியப் பதவிகளான ஈரோடு நகராட்சித் தலைவர் பதவியை துறந்தது மட்டுமில்லாது, தன்னை முழுமனத்துடன் காங்கிரசு பேரியக்கத்துக்காக ஒப்படைத்துக் கொண்டார். காந்தியின் கதர் ஆடையை அவரும் உடுத்திக் கொண்டதுமட்டுமில்லாமல், பிறரையும் உடுத்தும்படி செய்தார், கள்ளுக்கடைகளை மூட வலியுறுத்தி மறியல் செய்தார், வெளிநாட்டுத் துணிவகைகளை விற்பனை செய்யும் வணிகர்களுக்கு எதிராக மறியல்கள் நடத்தினார். தீண்டாமை அடியொடு ஒழித்தார். 1921 இல் ஈரோடு கள்ளுக்கடை மறியலில் ஈடுபட்டமைக்காக பெரியார் நீதிமன்றத்தால் சிறைத்தண்டனைப் பெற்றார். அம்மறியலில் அவரும் அவர் துணைவி நாகம்மையார் மற்றும் அவர் தமக்கையார் கலந்து கொண்டனர். இதன் பலனாக அன்றைய ஆங்கில அரசு நிர்வாகத்தினர் உடனடியாக பணிந்தனர். மீண்டும் ஒத்துழையாமை மற்றும் மிதமாக மது குடித்தல் சட்டங்களை எதிர்த்து மறியல் செய்ததினால் கைது செய்யபட்டார். 1922 இல் பெரியார் சென்னை இராசதானியின் (மதராஸ் இராஜதானி) காங்கிரஸ் கட்சித் தலைவராக (தற்பொழுது -தமிழநாடு காங்கிரஸ் கட்சித் தலைவர் என்று பெயர்) தேர்ந்தெடுக்கப்பட்டார். அதன் பின்னர் நடைபெற்றத் திருப்பூர் கூட்டத்தில் அரசு பணிகளிலும், கல்வியிலும் இடஒதுக்கீட்டை அமல் படுத்த வேண்டும் என்ற கோரிக்கையை, காங்கிரஸ் கட்சி ஆங்கில அரசுக்கு வலியுறுத்த வேண்டும் என்பதை மிகத்தீவிரமாக முன்னிருத்தினார். அவரின் முயற்சி அன்றைய காங்கிரஸ் கட்சியில் உள்ளவர்களின் வர்க்கபேத மற்றும் வேற்றுமை கொண்டு பிறசாதியினரை (இனவேற்றுமை) பார்க்கும் தன்மையால் தோல்வியுற்றுது. அதனால் 1925 இல் காங்கிரஸ் கட்சியிலிருந்து விலகினார்.

thanks wikky

அயோத்தி பிரச்சினை: வ‌ரலாறு

ராமாயண கதையில் ராமன் அயோத்தியில் பிறந்ததாக கூறப்பட்டுள்ளது. அயோத்தியில் 12-ம் நூற்றாண்டில் ராமர் கோவில் இருந்ததாக பழங்கால இந்து இலக்கியங்களில் கூறப்பட்டுள்ளது. சீன துறவி ஹீயன் தசாங் 7-ம் நூற்றாண்டில் அயோத்தியில் ஏராளமான கோவில்கள் இருந்ததாக கூறியுள்ளார். 500 ஆண்டுகளுக்கு முன்பு அயோத்தியில் பாபர் மசூதி கட்டப்பட்டது.

அன்று தொடங்கிய பிரச்சினை இப்போது 21-ம் நூற்றாண்டிலும் நீடித்து கொண்டிருக்கிறது. ஒவ்வொரு ஆண்டிலும் நடந்த முக்கிய நிகழ்வுகள் வருமாறு:-

1527- பாபர் இந்தியா மீது படையெடுத்தார். பல இந்து மன்னர்களை தோற்கடித்து தனது சாம்ராஜ்ஜியத்தை நிறுவினார்.

1528- பாபரின் தளபதி மிர்பாகி அயோத்தியில் பாபர் மசூதி கட்டினார். ராமர் கோவில் இருந்த இடத்தில் தான் பாபர் மசூதி கட்டப்பட்டதாக இந்துக்கள் புகார் கூறினார்கள். அதில் இருந்து பிரச்சினை தொடங்கியது.

1853- பாபர் மசூதியை கைப்பற்ற இந்துக்கள் முயன்றனர். இதனால் முதல் கலவரம் ஏற்பட்டது. ஏராளமானோர் கொல்லப்பட்டனர்.

1859- ஆங்கிலேயர் ஆட்சியில் இங்கு முஸ்லிம்களும், இந்துக்களும் தனித் தனியாக வழிபாடு நடத்த இடங்களை ஏற்படுத்தி கொடுத்தனர்.

1885- மகந்த் ரகுவர் தாஸ் என்பவர் இந்த இடத்தில் ராமர் கோவில் கட்ட அனுமதிக்கும்படி வழக்கு தொடர்ந்தார்.

1886- இந்துக்கள் சொந்தமான இடத்தில் மசூதி கட்டப்பட்டு இருப்பதாக பைசா பாத் மாவட்ட கோர்ட்டு நீதிபதி தீர்ப்பு கூறினார்.

1949- மர்ம நபர்கள் பாபர் மசூதிக்குள், ராமர் சிலையை கொண்டுவந்து வைத்தனர். இந்த விவகாரம் கோர்ட்டுக்கு சென்றது. இதனால் பிரச்சினைக்குரிய இடம் பூட்டப்பட்டது.

1950- பிரச்சினைக்குரிய இடத்தில் இந்துக்கள் வழிபாடு நடத்த அனுமதிக்க வேண்டும் என்று பைசாபாத் கோர்ட்டில் வழக்கு தொடரப்பட்டது.

1959- அந்த இடத்தில் பூஜை செய்ய அனுமதிக்க வேண்டும் என்று இந்துக்கள் வழக்கு தொடர்ந்தனர்.

1961- பிரச்சினைக்குரிய இடம் தங்களுக்கே சொந்தம் என்று சன்னி முஸ்லிம் வக்பு வாரியம் வழக்கு தொடர்ந்தது.

1984- சர்ச்சைக்குரிய இடத்தில் ராமர்கோவில் கட்டுவதற்காக விசுவ இந்து பரிஷத் இயக்கத்தை தொடங்கப்பட்டது. பாரதீய ஜனதா தலைவர் அத்வானி இதன் பிரசார இயக்கத்துக்கு தலைமை தாங்கினார்.

1986- பாபர் மசூதியில் பூட்டப்பட்டுள்ள கதவை திறந்து இந்துக்களும் வழிபாடு செய்ய அனுமதிக்க வேண்டும் என்று பைசாபாத் கோர்ட்டு தீர்ப்பு கூறியது.

1989- ராஜீவ்காந்தி பிரதமராக இருந்த போது சர்ச்சைக்குரிய இடம் அல்லாத இடத்தில் கோவில் கட்ட பூமிபூஜை நடத்த அனுமதித்தார். அயோத்தி வழக்கு ஐகோர்ட்டுக்கு மாற்றப்பட்டது.

1990 செப்- பாரதீய ஜனதா தலைவர் அத்வானி சோமநாதபுரத்தில் இருந்து அயோத்திக்கு ரதயாத்திரை தொடங்கினார்.

1990-நவ பீகாரில் அத்வானி ரதயாத்திரை தடுத்து நிறுத்தப்பட்டது. அவர் கைது செய்யப்பட்டார். அப்போது இருந்த வி.பி.சிங் அரசுக்கு பாரதீய ஜனதா அளித்து வந்த ஆதரவை வாபஸ் பெற்றது.

1992 டிச.6- பாபர் மசூதி இடிக்கப்பட்டு தற்காலிக ராமர் கோவில் கூடாரமாக கட்டப்பட்டு இருந்தது. இது சம்பந்தமாக தொடரப்பட்ட வழக்கில் தற்போதைய நிலை நீடிக்க வேண்டும் என்று கோர்ட்டு உத்தரவிட்டது.

2003 மே- இந்த இடத்தில் இந்து கோவில் இருந்ததா? என்பது பற்றி அகழ்வாராய்ச்சி செய்ய அலகாபாத் ஐகோர்ட்டு உத்தர விட்டது.

2003 ஆக.22- அகழ் வாராய்ச்சி அறிக்கை கோர்ட்டில் தாக்கல் செய்யப்பட்டது. அதில் 10-ம் நூற்றண்டு கட்டிடம் அந்த இடத்தில் இருந்ததாக கூறப் பட்டிருந்தது.

2003 ஆக. 31- அகில இந்திய முஸ்லிம் சட்ட வாரியம் அகழ்வாராய்ச்சி அறிக்கைக்கு எதிர்ப்பு தெரிவித்தது.

2010 ஜூலை- சர்ச்சைக் குரிய இடம் யாருக்கு சொந்தம் என்பது பற்றி 60 ஆண்டாக அலகாபாத் ஐகோர்ட்டில் நடந்த வழக்கு விசாரணை முடிந்தது.

2010 செப்-8 தீர்ப்பு செப்டம்பர் 24-ந் தேதி வெளியிடப்படும் என்று கோர்ட்டு தள்ளி வைத்தது.

2010 செப்.14- தீர்ப்பை தள்ளி வைக்கும்படி வழக்கு தொடரப்பட்டது. இந்த மனு தள்ளுபடி செய்யப்பட்டதை அடுத்து நாளை தீர்ப்பு வழங்கப்பட உள்ளது.

thanks m.malar

%d bloggers like this: